2009ko apirila.  Guarania Mercosur-eko hizkuntza ofizialetakoa izateko erabakia hartu du aho batez Argentina, Brasil, Paraguai eta Uruguaik osatzen duten erakundeko parlamentuak. Lehendik hizkuntza ofiziala da Paraguain, Bolibian eta Argentinako Corrientes probintzian. Hamar bat milioi lagunek ezagutzen dute.

Parlamentuaren bileraz bat, Guarania ardatz hartuta hainbat alderdi aztertu dituzte aldi berean Hizkuntza eta Kultura Guaraniaren Ateneoak antolatu dituen jardunaldietan Paraguai bertako eta Argentinatik, Uruguatik eta Brasildik joandako adituek. Erakundeko hizkuntza ofizial izan dadin zenbateraino komeni den, hizkuntzak eskualdeko kohesio erreminta izateko duen gaitasuna, herrialde horietako literaturaz, guaraniak hezkuntzan duen egoeraz, eta oro har, Mercosur-en duen presentziaz aritu dira.

Hartutako konpromisoen artean Mercosur-eko Guaraniaren Hizkuntza Akademia sortzekoa dago, zeinak eremu horretako Guaraniaren lehen hiztegia egiteko ardura izango duen.