Garabide - Albisteak

Albisteak

Hezkuntza esperientziak bigarren astean

2015/01/01

Euskararen errekuperaziorako bidean funtsezko izan diren hezkuntza esperientziak ezagutzen saiatuko gara datorren astean.

Oñatiko Udalaren harrera

2015/01/01

Oñatiko Udalak harrera egin die aurten ere Garabidek antolatzen duen Esperientzien III Truke Programako gonbidatuei.

Hasi da Garabideren III Truke Programa

2015/01/01

Asteon hasi da Garabide Elkarteak antolatzen duen esperientzien Truke Programa.

Nafarroa Oinez ezagutzera joango gara Amerikatik etorritako indigenekin

2015/01/01

Igandean ospatuko den Nafarroa Oinez jaira joango da Garabide Elkartea ere Amerikatik Euskal Herriko esperientziak ezagutzera datozen herri indigenekin batera.

Hasi da Garabidek eta Huhezik antolaturiko Hizkuntzen Berreskurapenerako Aditu tituludun maisutza

2015/01/01

Aste santu ostean hasi da Garabidek eta Huhezik kontsortzioan antolatu duten maisutza. Orain arteko truke programak baino sakonago aztertuko du hizkuntza gutxituen berreskurapen prozesuak, bereziki euskararen kasuan oinarrituz.

Abian da Jatorrizko Hizkuntza Biziberritzeko Estrategiak Aditu Tituluaren bigarren edizioa

2015/01/01

Garabide Elkarteak bultzatzen duen garapenerako lankidetzaren baitan, Herrien eta Hizkuntzen arteko Truke Programa desberdinak antolatu izan ditugu. Indigena komunitateetako hamarnaka ordezkari egon dira gurean, hamaika izan dira egindako formazio saio, harreman dinamika eta bilkurak.

Kooperazio linguistiko-identitarioaren bide honetan, euskalgintzaren baitako eremu eta estrategia zabal eta anitzetan pilatutako esperientziak, hizkuntza eta identitate minorizatuen biziberritze, berreskurapen eta indartze prozesuetan kokatu nahi ditugu.

Testuinguru horren baitan, bigarrenez, Jatorrizko Hizkuntza Biziberritzeko Estrategiak Aditu Titulua jarri dugu martxan Garabide elkartea eta HUHEZI fakultatearen artean.

Aditu Titulu hau, irailaren 16tik abenduaren 5era garatuko dugu (3 hilabetez) eta bertan herri eta hizkuntza indigena desberdinetako 14 ikaslek hartuko dute parte (Kitxuak, Nasak, Maiak, Nahualtak, Katxikelak, Movidak, Kurduak eta Amazigh ordezkariek).

Hastear da Hizkuntza Biziberritzeko Estrategiak Aditu Titulua

2015/01/01

Astelehenean, irailaren 16an, emango diogu hasiera Garabidek eta HUHEZI fakultateak elkarlanean eskainiko dugun Jatorrizko Hizkuntza biziberritzeko estrategiak Aditu Tituluari.

Bigarrenez eskainiko dugu Aditu Titulua, aurrez 2011n izan zen lehen edizioaren balorazio positiboaren ondotik, dagoeneko prest dugu guztia 2013ko edizio honi eusteko.

Aditu Titulu hau, irailaren 16tik abenduaren 5era garatuko da (3 hilabetez) eta bertan herri eta hizkuntza indigena desberdinetako 14 ikaslek parte hartuko dute (Kitxuak, Nasak, Maiak, Nahualtak, Katxikelak, Mobimak, Kurduak eta Amazig ordezkariek).