Euskal lankidetzaren testuinguruan, lurralde desberdinetako pertsonen eta kolektiboen arteko truke-esperientziak gertatu dira eta oraindik ere gertatzen dira. COVID osteko errealitateak geldialdi bat egitera behartzen gaituen testuinguru batean, esperientzia horiei buruzko hausnarketa-saio bat egitea proposatzen dugu. Helburua ikaskuntzak sortzea eta aurrerantzean iradokizunak eta erronkak biltzea da.

Gogoeta horrek tokiko ikuspegian eta ikuspegi globalean sakontzeko nahia sorrarazten digu, GLEAren IV. Gida Planean jasota dagoen bezala. Bertan adierazten denez, urrutiko edo gertuko leku geografikoetako beste pertsona batzuekin elkartzeak elkarrenganako aintzatespena eta errespetua izan behar ditu abiapuntu, eta pertsona guztientzako eskubideak sustatzeko eta defendatzeko ikaskuntzak, agendak eta ekintza komunak sortu behar ditu, inor atzean ez uzteko ahalegina eginez. Horrek Iparra-Hegoa eta lankidetza/ekintza humanitarioa/hezkuntza dikotomiak haustea dakar, bizi garen mundua azaltzen ez laguntzeaz gain, jarduteko gaitasuna mugatzen baitute. Ildo horretan, ikuspegi honen helburua da lan egiteko modu konpartimentatuak gainditzea, nazioarteko elkartasuneko lotura horizontalak indartzea, beste begirada eta analisi desberdinetara irekitzea eta ikaskuntzak eta elkarrekiko aintzatespena eta errespetua sortuko dituzten testuinguru eta proposamen alternatiboen arteko benetako lotura lortzea.

Gogoeta hori egiteko ez ezik, tailer honen emaitzak GLEAren trukerako proposamen propioa planteatzeko tresna ere izan nahi dute: beka- eta profesionalizazio-programak eta eredu ekonomiko solidarioaren esparru estrategikoaren esparruan aurreikusitako beste bat.

Helburua

Lan-saio bat egitea EAEn egindako trukeak kudeatzeko esperientzien ikaskuntzak sortzeko.

Horretarako, truke- eta prestakuntza-prozesuetan lagundu duten 3 erakunderi eskatuko zaie, beren esperientziak ez ezik, trukerako egingo lituzketen ikaskuntzak, gomendioak eta iradokizunak ere parteka ditzaten: (1) pertsonei eta haien komunitateei protagonismoa emango diena; (2) trukaketan parte hartzen duten espazioetan ikaskuntzak sortuko dituena; eta (3) ekintza-agenda komunak edo partekatuak antolatzea ahalbidetuko duena.

Saioaren egitura

Saioan bi espazio bereizi ezartzen dira. Lehenengo zatia truke-esperientzien ingurukoa izango da, eta esperientzia horietatik ateratako ikaskuntzak eta gomendioak partekatuko dira. Bigarren zatian, ekimen horietatik COVID-19k sortutako egoerari nola aurre egiten ari zaion aztertuko da.

Esperientziak aurkezteko gida-galderak:

• Esperientziaren deskribapena.
• Esperientziaren inpaktua baloratzea. Zer aldaketa eragiten ditu esperientziak parte-hartzaileengan? Zer eragin du komunitateetan? Nola laguntzen du erakundeak errealitateen arteko erlazio eta konexioaren ideietan sakontzen? Zer oztopo eta erronka planteatzen dira ekimenak garatzean, eta horietatik abiatuta zer ikaskuntza eta gomendio sortzen dira?
• Ikuspegi lokal-globala. Zer neurritan laguntzen dute esperientziek ikuspegi lokal-globala indartzen? Zer elementuk laguntzen dute nazioarteko elkartasuneko lotura horizontalak indartzen, elkarrekiko aintzatespena eta errespetua oinarri hartuta? Zerk errazten du beste begirada eta analisi batzuetara irekitzea eta proposamen alternatiboak sortzea? Zerk zailtzen du?

• Taldeetan lan egiteko gida-galderak:

• Zer ikaskuntza eta gomendio atera dira esperientzietatik?
• Zer neurritan laguntzen dute truke-esperientziek begirada lokal-globala sakontzen?

Bigarren zatia:

Aurkezpenetarako gida-galderak:

• Nola egin zaio aurre COVID-19k sortutako testuinguruari? Zer gogoeta sortu dira?
• Identifikatu al da egoerak eragindako alderdi positiborik?
• Zer oztopo eta erronka ditu testuinguru horrek? Zer alternatiba sortu dira horri aurre egiteko? Etorkizunerako gomendioak.

• Talde-lanerako galderak:
• Zer oztopo eta erronka planteatzen ditu egoerak?
• Zer alternatiba eta gogoeta sortu dira egoerari aurre egiteko?

Gonbidatuak

Truke-programak kudeatzen dituzten pertsonak eta interesdunak.

GGKEak:

Gonbidatuak

Saioa zoom bidez egingo da uztailaren 2an, 11: 00-13: 00