AZKEN ALBISTEAK

Garabide Kultur Elkartearen komunikatua, Ekuadorko hauteskundeen inguruko egoera politikoari buruz.

2026/11/13

Garabide Kultur Elkarteak komunikatu hau aurkezten du, Ekuadorren hauteskundeak gardentasunez burutu daitezen eskatzeko, aukera guztiak errespetatuz.

Izan ere, azaroaren 29an tokiko gobernuak berritzeko hauteskundeetan, gobernu zentralaren oposizioko alderdi eta mugimenduek zailtasun handiak dituzte normaltasunez aurkezteko.

Tartean dira Ekuadorko gure proiektuarekin lankidetza estua duten tokiko administrazioak eta Paolina Vercoutere prefeta izateko hautagaia.

Garabide Kultur Elkarteak eta Yvy Marãe´ ỹ Fundazioak lankidetza-hitzarmena sinatu dute

2026/11/09

Elkarlan honen bidez, gure jatorrizko hizkuntza eta hizkuntz komunitateen, euskara eta Paraguaiko guarania, indartzeko prozesuetan lagundu nahi da. 

Yvy Marãe´ ỹ erakundeko zuzendaria den Miguél Ángel Verón Gomezek (2026ko Aditu ikastaroko partaidea ere izan dena, besteak beste) eta Garabideko lehendakaria den Iñaki Martinez de Lunak sinatu dute lankidetza-hitzarmena

Hizkuntzen arteko batura eta elkartasuna irudikatuz, eta elkarrengandik elkarlanean ikasiz, poztasunez eta esperantzaz itxi dugu 2026ko Aditua

2026/11/04

Hizkuntzak Biziberritzeko IV. Formazioaren itxiera-ekitaldia joan den ostegunean, urriaren 29an, burutu dugu Aretxabaletako Kurtzebarri eskolako Areto Nagusian

Gurekin izan ditugu aurtengo Adituko partaideak, formazio programa osatu duten irakasle/adituak, erakunde zein eragileetako ordezkariak eta  Garabideko komunitatea osatzen duten lan-taldeko kideak, boluntarioak eta bazkideak. 

Hona hemen laburpen bideoa:

Eskerrik asko, bihotzez, aurtengo edizioa posible egin duzuen guztioi!

Esperientziak praktikatzeko eta konpartitzeko aukera izan dute Adituko partaideek formazio programaren 5. astean

2026/10/26

Hizkuntzak Biziberritzeko IV. Formazioko Programako partaideek hainbat praktikaldi egiteko aukera izan dute; horrez gain, hainbat sentsibilizazio-hitzaldi ireki ere egin dituzte Euskal Herrian barrena. Era berean, komunitate bakoitzeko gastronomia dastatzeko aukera izan dute partaideek truke gastronomikoa eginez; horrez gainera, Errigora kanpainaren berri jaso dute, eta Gure Zirkua ere bisitatu dute.

Hona hemen laburpen bideoa:

Formazio Programa ostegun honetan (hilak 29), izango den itxiera ekitaldiaren bidez amaituko da. Aretxabaletako Kurtzebarri eskolako Areto Nagusian izango da, 18:30ean.

Iparraldetik hegoaldera, euskalgintza ardatz duten hainbat erakunde bisitatu ditugu formazio programako 4. astean

2026/10/21

Astea Ipar Euskal Herrian hasita eta Gipuzkoan barrena jarraituz, euskara eta euskal kulturgintza ardatz duten hainbat eragilerekin egon gara Hizkuntzak Biziberritzeko IV. Formazio Programako 4. astean, hainbat hitzaldi eta sentsibilizazio-saiotan

Hona hemen laburpen bideoa:

 2020 Garabide

Larrin Plaza 1, 20550 Aretxabaleta, Gipuzkoa
688 63 24 33 / 943 250 397
garabide[arroba]garabide[puntu]eus